Работнички е “хирушки” прецизен во Втората лига откако стигна до вториот триумф, славеше против Еуромилк Горно Лисиче со 1-0 и е без примен гол досега. Александар Богданоски во 52 минута ја донесе предноста за „романтичарите“.
Во третото коло екипите на Осогово и Новаци ги поделија бодовите во Кочани (0-0), додека струмичка Брера славеше со (2-1) против Камјани. Жоглев од пенал и Ристовски беа стрелци за Брера, а Исмаили погоди за гостите.
Битолски Пелистер конечно стигна до првата победа во новата сезона во Втората македонска фудбалска лига, откако на гостувањето кај Македонија ЃП славеше со 0-1. Повеќе спортски медиуми го потенцираа пеналот како сомнителен, кој во гол го претвори Иван Ивановски во 81.минута пред самиот крај.
ГФК Охрид е исто така максимален во Втората македонска лига. „Тие на „Билјанини Извори“ убедливо го совладаа Кожуф со (5-1). Стрелец на четири гола беше Антонио Каланоски, а погоди и Марко Николоски. До победа стигна и Тетекс на гостувањето во „Чаир“ славеше против Шкупи со (1-3). Никола Ристовски во 61. минута го отвори резултатот, а потоа Али Рамин, постигна два гола во 83. и 87. минута.
За Шкупи ова беше трет пораз во исто толку натпревари со постигнат само 1 гол и седум примени.
