Како што соопштија од Русија, вакцината против рак е развиена во соработка со неколку истражувачки центри, таа ќе биде бесплатна и достапна за луѓето на почетокот на 2025 година.
Русија разви своја mRNA вакцина против рак, која бесплатно ќе им се дистрибуира на пациентите, изјави за Радио Русија генералниот директор на Центарот за радиолошки медицински истражувања на Министерството за здравство на Русија, Андреј Каприн.
Вакцината е развиена во соработка со неколку истражувачки центри. Планирано е да биде пуштена во општ промет на почетокот на 2025 година.
Претходно, директорот на Националниот истражувачки центар за епидемиологија и микробиологија Гамалеј, Александар Гинтсбург, изјави за ТАСС дека претклиничките тестови на вакцината покажале дека таа го потиснува развојот на тумори и потенцијални метастази.
За потсетување, научниците од Универзитетот во Оксфорд ја развиваат првата вакцина која би можела да помогне во спречување на рак на дебелото црево кај илјадници млади Британци.
Вакцина дизајнирана од истражувачи од Универзитетот во Оксфорд има за цел да го зајакне имунолошкиот систем и да ги „лови и уништи“ абнормалните клетки, кои еден ден ќе се развијат во рак.
Таа првенствено е наменета за пациенти со рак на дебелото црево предизвикан од генетска мутација позната како Линч синдром, каде што ризикот од болеста е зголемен за дури 80 проценти.
