Машката сениорска ракометна репрезентација на Македонија денес ќе го игра пријателски натпревар против селекцијата на Австрија во Брегенц.
Македонија и Австрија досега имаат одиграно шест мечеви меѓусебно. Македонија има 3 победи, додека Австрија има 2 победи, нерешено заврши последниот дуел кој беше лани на Светското првенство.
Селекторот Кирил Лазаров за овој натпревар против Австрија повика вкупно 19 ракометари меѓу кои не се искусниот Никола Митревски и Жарко Пешевски.
Утре македонската репрезентација ќе го дознае противникот во баражот за Светското првенство. Словачка веќе славеше со 27:24 против Украина на првиот дуел.
Македонија своите мечеви од мундијалскиот бараж ќе ги игра на 13-14 мај и 16-17 мај, а избраниците на селекторот Кирил Лазаров ќе гостуваат во првиот натпревар.
Фото РФМ
