“Моменти за историја, паметење, будење незаборавни спомени, прослава на годините минати со спортот, со нашите спортски херои, со нашите слушатели, поддржувачи, пријатели…
ВИ БЛАГОДАРИМЕ ОД СРЦЕ,
До следниот јубилеј, исправени пред возбудата која може да ни ја донесе највредното за нас – неговото величенство СПОРТОТ!Се слушаме и заедно продолжуваме да се радуваме на моментите за незаборав” – стои во објавата на Спортско радио 90.3 фм, по вчерашниот спектакл во спортскиот центар “Јане Сандански” каде присуствуваа над 4000 љубители на ракометната игра.
Присутните посебно оние помладите имаа убава можност да ги видат мајсториите на Пепи Манасков, Кире Лазаров, како и на екс голманот на Пелистер популарниот Диви , Ангеловски, Марковски но тука беше и европскиот тим составен од гостите и тоа: Штербик, , Карачиќ, Чупиќ, Вугринец а клупите седеа ракометните легенди Лино Червар и Веселин Вујовиќ.
Ракометното уживање во Скопје го судеа Марјан и Драган Начевски, Ѓорѓи Начевски и Славе Николов,Силвана Карбевска и Марија Илиева.
Натпреварот имаше три полувремиња, по првиот водеа странците со 9:7, по вториот предност имаше Македонија 20:18, за на крај резултатот да гласи 30:30.
На колегите од Спортско радио 90.3 фм. , посебно на нашите пријатели Саше Кузмановски и Ристе Влахов му посакуваме уште долги години успешна работа и се разбира се гледаме на спортските терени и Арени.
Фото/Извор: Спортско радио 90.3/Пановски
