Бундеслигашот СЦ ДХфК Лајпциг кој пред неполни два месеци го промовираше шпанецот Раул Алонсо како нов тренер зборуваше на Денот на ракометот во Лајпциг, Германија.
Во ракометниот дом на екипата на СЦ ДХфК Лајпциг – “Арена за недвижности Квотербек” која е со капацитет од 9.000 седишта, имаше отворен ден на кој љубителите на ракометот во градот, имаа можност да се запознаат со нивниот нов тренер, шпанецот Раул Алонсо.
Под новото мото “Ракомет без граници” беше промовиран дел од тимот, со кој се бара успех за ‘гладните’ ракометни фанови во фудбалски град како Лајпциг имајќи предвид дека илјадници фанови се ‘анимирани’ од фудбалскиот бренд на Ред Бул Лајпциг во истоимениот град.
За таа цел ‘љубопитното фотографско око’ на нашиот добро познат битолчанец и фотограф – Димитар Петковски, кој беше на лице место и имаше краток разговор со екс тренерот на шампионот на Македонија – Раул Алонсо (роден мадриѓанец), кој со импресии зборува за неговото време поминато во Битола иако станува збор за период не поголем од осум месеци престој во Македонија.
Во текот на разговорот многумина од присутните се поздравуваа, фотографираа со шпанскиот стратег, додека во смеа еден постар фан искоментира: “Тој повеќе е германецот отколку шпанец” – веројатно се мисли на годините искуство кои ги има како тренер, асистент тренер и спортски директор работејќи низ повеќе бундеслигашки екипи но и Германската ракометна репрезетнација.
Во споделеното видео екс тренерот на шампионот на Македонија и актуелен тренер на СЦ ДХфК Лајпциг, Раул Алонсо одговара на поставеното прашање:
– Дали би се вратиле еден ден во Битола (се мисли на градот и ракометниот клуб) и што ви недостасува најмногу од Македонија ?
„Па, она што ме импресионираше многу, многу позитивно, беше како беа луѓето, како бев пречекан, да, колку добро ме пречекаа и секако, Битола е прекрасен град, сместен во планините. Значи, целата атмосфера беше навистина многу, многу убава и секако во натпреварувачките спортови, никогаш не можете да кажете не. Имам многу, многу убави спомени од Битола и Македонија и се радувам што еден ден ќе се вратам! Можеби ќе го гледам тимот сега кога ќе играат во Магдебург во Лигата на Шампионите. Тоа значи дека навистина го сакам Еурофарм Пелистер и градот Битола, да имаат успешна иднина. Работев напорно за да обезбедам овој тим да има можност да продолжи во иднина и им посакувам на сите многу среќа и успех од дното на моето срце. И да, се најдобро, ќе ги следам“, изјави Раул Алонсо.
Раул Алонсо иако имаше двегодишен договор со битолскиот ракометен првак на Македонија, си замина по само една сезона и тоа беше на изненадување на многумина во градот по Пелистер.
Покрај Алонсо во СЦ ДХфК Лајпциг од пред некое време ново име е и Бастиан Рошек кој ја презеде позицијата спортски директор и според многу познавачи на германскиот ракомет, Рошек бил главниот ‘виновник’ зошто Алонсо се одлучил за брз трансфер кон Лајпциг и оставајќи ја зад себе “Лигата на Шампионите” и полните трибини во салата “Боро Чурлевски” во Битола.
