Редици луѓе чекаат да купат карта за театарскиот фестивал „Војдан Чернодрински“ во Прилеп. Тоа ја покажува желбата на многумина да ги изгледаат претсавите кои оваа година ќе се натпреваруваат за оваа театарска награда.
Влезниците за фестивалските претстави се пуштени во продажба од денеска, на билетарницата од Центарот за култура „Марко Цепенков“, како и онлајн.
– Оваа глетка е радост на Прилеп, радост на МТФ „Војдан Чернодрински“. Редици луѓе што чекаат да си купат влезница за претстава за на фестивалот. Прилеп докажува дека го сака и го заслужува најстариот македонски театарски фестивал! – објавија од Фестивалот.
Инаку хит-претставата „12“ во режија на Синиша Евтимов, во продукција на Македонскиот народен театар од Скопје, ќе го отвори 59. издание на Македонскиот театарски фестивал „Војдан Чернодрински“ кој ќе се одржува одржува од 6 до 13 јуни во Прилеп. Во официјалната конкуренција се девет претстави и пет претстави од независната продукција.
Свеченото отворање на Фестивалот ќе биде на 6 јуни во 20 часот на сцената од Центарот за култура „Марко Цепенков“. Тогаш ге бидат доделени и наградатите за животно дело. Годинашни добитници се актерите: Снежана Коневски-Руси, Гоце Тодоровски и Соња Михајлова.
Претстава „12“ е дел од официјалната селекција на Фестивалот.
На затворањето на фестивалот, на 13 јуни, на истата сцена во Центарот за култура во Прилеп од 20 часот во чест на наградените ќе биде изведена претставата „Вистината 2“ од Флоријан Зелер, во режија на Владимир Јурц во продукција на Театар Комедија.
Фестивалот за претставите ќе ја користи сцената од Центарот за култура „Марко Цепенков“ која ќе ги задоволува сите стандарди за одржување масовна манифестација, а ќе се користат и други алтернативни сцени в Прилеп. Ќе има промоции, изложби, разговори на тркалезната маса за претставите.
Извор и Фото: Независен
