ЈКП „Водовод“ – Битола започна со реконструкција на водоводната мрежа на улицата „Христо Ботев“, во рамки на активностите за подобрување и модернизација на водоводната инфраструктура во градот.
Од претпријатието информираат дека работите ќе се одвиваат континуирано до целосно завршување на предвидената делница. Со реконструкцијата се очекува да се обезбеди посигурно и поквалитетно водоснабдување за жителите од овој дел на Битола.
Паралелно со овие активности, во завршна фаза е реконструкцијата на водоводната мрежа на улицата „150-та“.
Во наредниот период е предвидено да започнат активности и на делови од улиците „Дебарска“ и „Студентска“.
Од ЈКП „Водовод“ – Битола посочуваат дека инвестициите се дел од континуираните заложби за унапредување на водоводната инфраструктура во градот.
