Родителите на деца кои извршиле насилство ќе можат да бидат казнети доколку одбиваат соработка со институциите, најави министерката за образование Весна Јаневска, говорејќи за новите мерки за справување со врсничкото насилство.
Според најавите, родител кој нема да се јавува на покани од училиштето, стручните служби или институциите во случаи кога неговото дете е инволвирано во насилство, може да добие глоба од 250 евра.
Јаневска истакна дека проблемот со насилството меѓу учениците бара системски пристап и поголема одговорност не само од училиштата, туку и од семејствата. Според неа, има случаи кога родителите целосно одбиваат комуникација и соработка, што дополнително го отежнува решавањето на проблемот.
Мерките доаѓаат во период кога јавноста е вознемирена од сè почестите инциденти во училиштата, вклучително и тепачки, закани и насилно однесување меѓу малолетници.
Од Министерството посочуваат дека покрај санкциите, се планираат и превентивни активности, психолошка поддршка и посилна вклученост на стручните служби во училиштата.
Експертите предупредуваат дека врсничкото насилство е сложен општествен проблем кој не може да се реши само со казни, но оценуваат дека активната вклученост на родителите е клучна за рано препознавање и спречување на агресивното однесување кај децата пренесува трн.
