Ни претставува особено задоволство да го најавиме викендот на прослава за нашиот клуб, нашиот спорт и нашите навивачи. Организациониот одбор за прослава на јубилејот „80 години од постоењето на ФК Пелистер“ ја комплетираше програмата со која со низа манифестации нашиот клуб и град ќе го одбележи големиот јубилеј.Сакаме да изразиме голема благодарност до романскиот гигант, Динамо Букурешт, кој ќе биде наш гостин на 10,11 и 12 октомври и ќе одигра роденнденски пријателски натпревар против сениорската екипа на Пелистер. Се работи со гигант на романскиот фудбал, 18-кратен шампион и 13-кратен освојувач на Купот на Романија и поранешен клуб на нашиот капитен Мирко Ивановски. – стои во денешното соопштение по прес конференцијата на стадионот “Петар Милошевски” во Битола.
Агенда за прославата на јубилејот „80 години од постоењето на ФК Пелистер“
На празникот 11-ти октомври ќе се одржи , официјална прес-конференција на ФК Пелистер и Динамо Букурешт во прес-салата на стадионот „Петар Милошевски“ во 18:00 часот. Потоа ќе биде организирана свечена академија на ФК Пелистер во салата на Народниот театар во Битола.
На 12-то Октомври ќе се одигра пријателскиот натпревар помеѓу Пелистер и Динамо Букурешт за потоа да биде организирана и свечена вечера по успешно реализираниот јубилеј.
