И оваа прва сабота во јули, прилепчани не ја пропуштија својата омилена викенд-традиција за саботно кафе и прошетка низ градската чаршија.
И покрај летните температури, центарот на Прилеп беше исполнет со граѓани од сите генерации. Младите се дружеа во кафулињата, семејствата уживаа во прошетките, а повозрасните го искористија убавото време за средби со пријателите и разговори во пријатна атмосфера.
Прилепската чаршија и денес беше место каде што се среќаваат насмевките, доброто расположение и живата градска атмосфера. Терасите на угостителските објекти беа исполнети со посетители, а низ улиците можеше да се почувствува препознатливиот викенд-ритам на градот.
Погледнете ја атмосферата од денешното саботно кафе во Прилеп низ нашата фотогалерија.
Се гледаме и наредната сабота на Шеталиште!
