И покрај облачното и врнежливо време, прилепчани не се откажаа од својата саботна традиција, кафето во чаршија. Центарот на Прилеп и денеска беше исполнет со луѓе, насмевки и урбана атмосфера, во духот на одбележувањето на 9. Мај – Денот на Европа и Денот на победата.
Нашиот папарацо фотограф повторно беше на терен, ловејќи автентични моменти од секојдневието во градот. Низ неговиот објектив се забележани бројни сограѓани кои и покрај дождот, уживаа во прошетката и дружењето со пријателите.
Во продолжение погледнете ја галеријата и обидете се да се пронајдете меѓу фотографираните. Доколку овојпат не сте дел од приказната, не грижете се, нашиот фотограф повторно ќе биде таму и следната сабота.
Се гледаме повторно наредната сабота на Шеталиште!
