Градот под Марковите кули, Прилеп, и оваа сабота живееше во препознатливиот ритам на викенд-атмосферата. Познат како градот на Крали Марко, Прилеп повторно покажа дека традицијата на „саботно кафе“ е повеќе од обична навика туку начин на живот.
Прилепската чаршија беше исполнета со луѓе од сите генерации од млади кои уживаа во сончевото претпладне, до повозрасни кои со години ја негуваат оваа урбана традиција. Разговори, смеа и полни тераси беа дел од сликата што ја создаде уште една динамична сабота во срцето на градот.
Нашиот фотограф беше на терен и успеа да ги долови најинтересните моменти од стилски комбинации, пријателски средби и онаа специфична прилепска енергија што не може да се опише, туку мора да се доживее.
Се гледаме и следната сабота на истото место, со истата атмосфера – на Шеталиште!
