Првиот ден од месец ноември и првата сабота во месецот традиционално го донесоа и првото саботно „корзо“ на битолчани. Како и секогаш, Широк Сокак беше исполнет со насмевки, кафе-дружби и пријателски разговори.
Битолчани, верни на својата традиција, уживаа во прошетката по најпознатата улица во градот „Широк Сокак“, место каде што се среќаваат генерации, се разменуваат нови приказни и се создаваат спомени. Со есенски шмек, шарени листови и пријатна атмосфера, првото ноемвриско корзо уште еднаш го потврди духот на градот под Пелистер.
Нашата екипа и денеска беше на Широк Сокак за да ги долови најновите моменти и впечатливи сцени од битолското корзо.
Погледнете ја галеријата и почувствувајте дел од есенската магија на Битола.
