Иако Новата година штотуку започна, битолчани и овој викенд останаа верни на долгогодишната традиција – саботното „корзо“ на Широк Сокак.
Најпознатата улица во Македонија и денеска беше исполнета со раздвиженост, насмевки и прошетки, а студеното зимско време не беше пречка за младите и повозрасните да излезат, да се сретнат со пријателите и да ја почувствуваат препознатливата атмосфера на градот под Пелистер.
Првото саботно „корзо“ во 2026 година уште еднаш покажа дека оваа навика е дел од битолскиот дух и секојдневие, без разлика на временските услови или календарот.
Во продолжение, ви ги пренесуваме моментите од денешната прошетка по Широк Сокак, а доколку не се пронајдете меѓу фотографиите, не грижете се, и нашата традицијата продолжува секоја наредна сабота во новите 365 денови од годината.
Се гледаме и наредната сабота повторно на Шеталиштето.
