Сабота во Битола има свој ритам, а Широк Сокак традиционално е местото каде што тој најдобро се чувствува.
Октомвриското сонце денеска донесе дополнителна живост во центарот на градот. Од Магнолија, па долж Широк Сокак – битолчани ја искористија саботата за традиционалното корзо.
Некој на кафе, друг на кратка прошетка, трет во случајна средба што прераснува во долг разговор. Генерации се менуваат, но навиката останува – саботното излегување во градот е дел од битолското секојдневие.
Широк Сокак и денеска беше своевидна градска сцена, со полни тераси, раздвижени улици и добро расположение.
А како изгледаше денешното саботно корзо во Битола, погледнете низ објективот на нашиот фотограф.
