Првата сабота од месец април донесе уште едно живо и раздвижено издание на традиционалното саботно „корзо“ на битолски Широк Сокак. Како и секоја сабота, централното градско шеталиште беше исполнето со насмевки, средби и пријатна атмосфера која ја негува духот на градот.
Граѓаните, од најмладите до повозрасните, излегоа да прошетаат, да се видат со пријатели и да уживаат во убавото време, продолжувајќи ја долгогодишната традиција што е препознатлив белег на Битола. „Корзото“ и овојпат покажа дека не е само прошетка, туку начин на живот и место каде што се создаваат спомени.
Нашата екипа беше на терен за да ги долови најновите моменти, атмосферата и духот на битолчани, кои и овојпат потврдија дека Широк Сокак останува срцето на градските случувања.
Се гледаме и наредната сабота на Шеталиште на уште едно издание на битолското „корзо“.
