И покрај високите температури, битолчани и оваа прва сабота во јули не се откажаа од својата омилена традиција – саботно „корзо“.
Летото во Битола носи посебна атмосфера. Широк Сокак е исполнет со насмевки, дружби, кафе-разговори и пријатни прошетки, додека бројните културни настани, фестивали, изложби и филмски проекции дополнително го збогатуваат животот во градот.
Нашиот „папарацо“ фотограф и денеска беше на терен, каде низ објективот ги забележа најинтересните моменти од уште едно саботно попладне исполнето со позитивна енергија, летен дух и препознатливата битолска елеганција.
Во продолжение погледнете ја фотогалеријата и почувствувајте дел од атмосферата од денешното битолско „корзо“.
Се гледаме и следната сабота на Шеталиште!
