Првата сабота од последниот месец во годината, како и секогаш, го донесе традиционалното „корзо“на битолчани по Широк Сокак. Иако времето беше дождливо, тоа не ги обесхрабри граѓаните да излезат, да прошетаат, да се сретнат со пријатели и да уживаат во саботната атмосфера на најамбиенталната улица во Македонија.
Нашата екипа и денеска беше дел од саботното „корзо“, со цел да ги долови најубавите моменти од оваа препознатлива битолска традиција. Насмевки под чадори, топли разговори, детска радост и кафе-средби во локалите – уште еден доказ дека Широк Сокак живее без разлика на временските услови.
Во продолжение, погледнете ја фотогалеријата од денешната прошетка и обидете се да се пронајдете меѓу фотографиите. Доколку не се најдете, не грижете се! Следната сабота повторно се гледаме на Шеталиште.
