Топлото мартовско сонце денеска го исполни Широк Сокак со насмевки, разговори и многу раздвиженост. Голем број битолчани ја искористија убавата сабота за традиционалната прошетка на шеталиштето, кое и овој викенд беше место каде се среќаваат генерации од најмладите до повозрасните.
Во пресрет на Меѓународниот ден на жената 8-ми Март, посебно внимание привлекоа ружите и каранфилите кои можеа да се видат во рацете на многумина. Цветовите беа најубавиот симбол на празничната атмосфера и на вниманието што им се посветува на жените во овој период.
Широк Сокак и оваа сабота пулсираше со живот исполнет со дружби, фотографии, кафе-разговори и добро расположение, што уште еднаш потврдува дека викенд прошетката останува омилен ритуал на битолчани.
Нашиот „папарацо“ фотограф и овој пат ги улови најинтересните моменти од денешното корзо.
Погледнете ја фотогалеријата и можеби ќе се препознаете токму вие.
Се гледаме и наредната сабота на Шеталиште!
