И покрај дождливото време, саботното „корзо“ во Битола и овој викенд не изостана. Капките дожд му дадоа посебна атмосфера на Широк Сокак, но не ги спречија битолчани да излезат на традиционалната прошетка и дружење во срцето на градот.
Шеталиштето и денеска наликуваше на вистинска модна писта од младите со најнови модни комбинации, до повозрасните кои верно ја негуваат традицијата на саботното корзо. Насмевки, разговори и топла атмосфера и покрај облачното небо беа дел од денешната слика на градот.
Нашиот „папарацо“ фотограф беше на терен и ги улови најинтересните моменти, стилски изданија и спонтани средби кои се заштитен знак на битолското корзо.
Во продолжение погледнете ја фотогалеријата од денешното саботно корзо на Широк Сокак и уживајте во духот на Битола, кој не го запира ниту дождот.
