Летната атмосфера во Битола и оваа сабота го исполни Широк Сокак со бројни посетители, туристи и иселеници кои престојуваат во градот за време на летните одмори. Познатото битолско шеталиште повторно беше местото каде што се сретнаа генерации, пријатели и семејства, создавајќи препознатлива атмосфера која со децении е симбол на градот.
Најголем дел од посетителите беа нашите иселеници кои пристигнаа од Австралија, СAД и повеќе европски земји, а заедно со туристите уживаа во прошетката низ центарот на Битола.
Нашиот „папарацо“ фотограф и оваа сабота беше на терен за да ги забележи најинтересните моменти од традиционалното саботно „корзо“, кое и понатаму останува една од најубавите летни традиции во градот.
Погледнете ја атмосферата низ нашата фотогалерија, а се гледаме повторно следната сабота на Шеталиште!
