Есенските денови во Битола полека стануваат постудени, но духот на градот останува жив, раздвижен и полн со енергија. Ноември донесе пониски температури и „сонце со заби“, но тоа воопшто не ја спречи долгогодишната традиција на саботното „корзо“ на битолчани.
Како и секогаш, најубавата улица во Македонија беше исполнета со насмевки, спонтани средби, кафе-паузи и прошетки. Битолчанки и битолчани, беспрекорно дотерани и во есенски стил, повторно ја потврдија старата вистина: Широк Сокак не е само улица, туку начин на живот.
Нашиот „папарацо“ фотограф денеска беше таму, да ги улови најпрепознатливите моменти и урбани вибрации. Во продолжение погледнете ја најновата галерија на Шеталиште и уживајте во атмосферата на битолската есен.
