Оваа сабота Битола живее во филм, со филмот и со бројните филмаџии кои пристигнуваат во градот. Започнува 47. издание на Интернационалниот фестивал на филмска камера „Браќа Манаки“, еден од најзначајните културни настани во земјава и фестивал со долгогодишна меѓународна традиција.
Градот под Пелистер повторно станува место на средби на кинематограферите, режисерите, актерите, филмските професионалци и љубителите на седмата уметност.
Фестивалската атмосфера се чувствува низ битолското корзо, Широк Сокак и културните простори во градот, кои во следните денови ќе бидат во знакот на филмот.
„Браќа Манаки“ ја продолжува традицијата Битола да биде препознатлива како град на филмската камера, но и како град во кој се испишани дел од почетоците на кинематографијата на Балканот, благодарение на пионерската работа на Јанаки и Милтон Манаки.
Со почетокот на 47. издание, Битола повторно ја отвора својата филмска приказна – со проекции, гости, средби и разговори за филмската уметност.
Филмско саботно „корзо“, полни улици и фестивалска атмосфера – Битола деновиве живее во ритамот на филмот.
