Битола и оваа сабота живееше во ритамот на летото. Широк Сокак беше исполнет со граѓани, туристи, семејства и млади кои уживаа во сончевото време, прошетките и препознатливата атмосфера што ја носи најпознатото битолско шеталиште.
Продолжи и традицијата на саботното „корзо“, кога битолчани и посетителите на градот се среќаваат на Широк Сокак, разменуваат насмевки и уживаат во викенд-прошетката низ срцето на Битола.
Нашиот „папарацо“ фотограф и оваа сабота ги забележа најинтересните моменти, насмевките и летната атмосфера кои уште еднаш покажаа дека Широк Сокак останува омиленото место за дружење и рекреација.
Погледнете ја фотогалеријата и уживајте во дел од денешната атмосфера, а ние се гледаме повторно следната сабота на Шеталиште!
