Последната сабота од месец февруари донесе вистинска пролетна атмосфера во Битола. Под топлите сончеви зраци, Широк Сокак беше исполнет со млади, семејства со деца, повозрасни, пријатели на кафе и случајни минувачи кои уживаа во раздвижениот градски ритам.
Традиционалното саботно „корзо“ на битолчани уште еднаш покажа дека овој обичај останува жив симбол на битолскиот дух. Разговори, насмевки, поздрави и фотографии… сè во знак на најавата на месец март, потоплите денови и пролетта што ни доаѓа.
Нашиот „папарацо“ фотограф беше на терен и ги забележа највпечатливите моменти од денот – стилот на битолчани, ведрата атмосфера и енергијата што се чувствуваше на секој чекор.
Ако викендот по утрото се познава, тогаш март ни доаѓа со сонце и добро расположение.
Се гледаме и наредната сабота повторно на Шеталиште!
