Последната сабота од август и традиционално – време за саботно корзо во Битола.
Убавото летно време повторно ги исполни Широк Сокак и центарот на градот со млади и возрасни, битолчани, но и бројни туристи од земјава и странство.
Кафе со пријателите, саботен муабет, прошетка или шопинг; секој со своја причина да биде дел од препознатливата битолска атмосфера. Кафулињата и улиците беа исполнети со посетители, а градот уште еднаш покажа дека традицијата на саботното корзо продолжува да живее.
И оваа сабота нашиот „папарацо“ фотограф беше на терен и со својот објектив долови дел од атмосферата на Широк Сокак.
Погледнете ја фотогалеријата и проверете кого сретнавме на последното августовско корзо.
Се гледаме и наредната сабота на Шеталиште!
