Иако ноемвриското утро беше студено, а сонцето срамежливо се пробиваше низ облаците, Широк Сокак и денеска пулсираше со живот. Како и секоја сабота, нашите сограѓани, млади и возрасни, ја продолжија традицијата на добро познатото битолско „корзо“.
Нашиот „папарацо“ фотограф ги забележа најубавите моменти од денешната прошетка низ срцето на Битола. Насмевки, растрчани деца, спонтани средби и топли кафе-разговори, сето тоа создаде уште една прекрасна саботна приказна на Широк сокак.
Ви ја претставуваме фотогалеријата од денешниот ден. Прелистајте, погледнете, пронајдете се меѓу фотографиите… А ако не се најдете, не грижете се.
И следната сабота повторно се гледаме на Шеталиште!
