Последната сабота од месец мај донесе вистинска пролетно-летна атмосфера во Битола. Со сончево и топло време и продолжен викенд, Широк Сокак повторно беше исполнет со живот, насмевки и раздвиженост.
Млади и возрасни, семејства и друштва, сите излегоа на традиционалното саботно „корзо“ на битолчани, уживајќи во прошетката, кафето и пријатната атмосфера што ја нуди најпознатото битолско шеталиште.
И овој пат, нашиот “папарацо“ фотограф беше на терен, подготвен да ги забележи најубавите моменти, стилови и расположенија од градското живеење.
Фотогалеријата од денешното корзо сведочи дека Битола знае како да ужива во убавото време и во малите радости на секојдневието.
Се гледаме и наредната сабота повторно на Шеталиште!
