Последната сабота од месец јануари повторно ја оживеа најградската улица во Македонија. Сончевото и невообичаено топло време ги изнесе битолчани и битолчанки на традиционалното саботно „корзо“, исполнувајќи го Широк Сокак со насмевки, разговори и добра енергија.
Како и секоја сабота, првото утринско кафе се пиеше во друштво на пријатели и семејството, а прошетката по градското шеталиште наликуваше на вистинска модна писта. Граѓаните уживаа во убавото време, опуштената атмосфера и во живиот ритам на градот.
Нашиот „папарацо“ фотограф беше на терен и ги забележа најубавите моменти од саботното корзо во Битола.
Во продолжение, погледнете ја фотогалеријата и обидете се да се пронајдете меѓу фотографиите. Доколку ве нема, не грижете се, нова можност следува веќе наредната сабота.
Се гледаме повторно на Шеталиште!
