Во пресрет на зимскиот период, Општина Новаци започна со санациони активности на главниот пат што поминува низ општината. Во соработка со екипите на „Македонијапат“, се изведуваат зафати за подобрување на проодноста и безбедноста на овој важен патен правец.
Градоначалникот на Општина Новаци, Стевче Стевановски, истакна дека овие активности се од особено значење во периодот пред зимските услови, кога патната инфраструктура мора да биде максимално подготвена.
„Во Новаци, заедно со екипите на „Македонијапат“, вршиме санација на главниот пат. Ви благодариме за разбирањето и трпението додека траат активностите“, рече Стевановски.
Од општината информираат дека работите ќе се одвиваат во наредните денови, а сообраќајот ќе се одвива со минимални пречки. Граѓаните се повикуваат на зголемено внимание и почитување на поставената сообраќајна сигнализација.
Фото: Општина Новаци
