Заради непоседување возачка дозвола при управување возило, согласно одредбите од Законот за безбедност на сообраќајот на патиштата, од почетокот на изминатата седмица – 30 јуни, заклучно со вчерашниот ден, во рамки на континуираните сообраќајни контроли низ патиштата во земјава санкционирани се 691 лице, соопштија попладнево од Министерството за внатрешни работи.
– Статистичките бројки покажуваат дека најголем број од овие прекршоци се евидентирани на подрачјата на секторите за внатрешни работи – Битола – 136 и Струмица – 125, најмалку на подрачјата на секторите за внатрешни работи – Штип – 35 и Охрид – четириесет и три, појаснија од МВР.
За овој период, на подрачјето на СВР – Скопје, регистрирани биле 72 вакви прекршочни санкции, додека на СВР – Тетово – 97, СВР – Куманово – 66, а СВР – Велес со 54 прекршоци за непоседување возачка дозвола.
– Сообраќајните контроли продолжуваат и во наредните денови. Апелираме да се почитуваат сообраќајните правила и прописи и сите заедно да придонесеме за поголема безбедноста на патиштата, истакнаа од МВР.
Фото: „Фејсбук“ – страница на Министерство за внатрешни работи
