Фудбалската репрезентација на Македонија ја задржа првата позиција во квалификациската група за Светското првенство 2026, откако во Гент , Македонија одигра 0-0 против фаворизираната Белгија.
Фаворитите на овој дуел селекцијата на Белгија со над 25 шутеви кон голот на Столе Димитриевски не успееја да постигнат гол.
Македонскиот чувар на мрежата не потклекна пред ѕвездите од типот на: Де Брујне, Опенда, Салемакерс и Доку.
Македонија успеа со дисциплинирана игра во стилот на италијанското катанаџо да го неутрализира противникот ѝ да запише голем бод против голема репрезентација во името на Белгија предводена од Руди Гарсија.
Белгија имаше поништен гол во 18. минута поради офсајд, а неколку минути подоцна белгијците пропуштија повторно одлични шанси.
Македонската одбрана и голманот Димитриевски, кој во вториот дел со неколку одлични одбрани го сочуваа почетниот резултат 0:0.
Селекторот Боби Милевски за свежина во нашиот состав во игра ги пушти, Дарко Чурлинов и Милан Ристовски а потоа влегоа и Деспотовски и Алими.
Македонската репрезентација со овој голем и златен бод го задржа лидерското место со 12 бода пред Белгија со 11 додека трето пласиран е Велс кој има 10 во нашата група во квалификациите за Светското првенство во 2026 година во САД, Мексико и Канада.
Следниот натпревар за „црвено-жолтите“ е мечот со Казахстан на домашен терен во понеделник со почеток од (20:45 часот).
БЕЛГИЈА – МАКЕДОНИЈА 0-0
Планет Груп Арена во Гент.
Гледачи: 20.000.
Судија: Умут Мелер (Турција).
Стрелци:
Ж. Картони: Теате, Де Бруине (Б) – Ашковски, Костадинов (М).
БЕЛГИЈА: Куртоа, Кастањ (89’ Мение), Дебаст, Теате, Де Кујпер (89’ Сејс), Ванакен (75’ Онана), Раскин, Де Бруине, Салемакерс (59’ Опенда), Доку, Тросар (75’ Фофана).
Селектор: Руди Гарсија.
МАКЕДОНИЈА: Димитриевски. Зајков, Стојчевски (74’ Деспотовски), Муслиу (83’ Велковски), Ашковски (46’ Чурлинов), Алиоски, Барди, Атанасов (74’ Алими), Костадинов, Елмас, Миовски (57’ М.Ристовски).
Селектор: Благоја Милевски.
