Ракометниот клуб Еурофарм Пелистер со освојувањето на шампионската титула повторно ја потврди Битола како горд и препознатлив спортски град. Третата титула по ред пристигнува по големата победа над ривалот Вардар на гостински терен.
Градоначалникот на Општина Битола, Тони Коњановски, упати честитки до шампионите и ги повика сите битолчани, посебно верните навивачи Чкембари, на голема прослава. Настанот ќе се одржи вечерва, на 8 јуни 2025 година, со почеток од 20:00 часот, на Платото пред Офицерскиот дом во Битола.
Градоначалникот Коњановски најави дека на следната седница на Советот на Општина Битола ќе предложи награда од 3 милиони денари за клубот, како признание за постигнатиот успех и за промоцијата на градот на национално и меѓународно ниво.
„Општина Битола упатува искрени честитки до РК Еурофарм Пелистер и изразува длабока благодарност до нашата ракометна гордост!“, се вели во објавата на Општина Битола.
Фото: Општина Битола
