Битолската полиција до Основните јавни обвинителства во Битола, Прилеп, Ресен и Кичево поднесе кривични пријави против осум лица поради постоење основи на сомнение за сторени кривични дела „предизвикување на општа опасност“, сторени во периодот од 15.06.2024 до 23.09.2024.
СВР Битола до ОЈО Битола поднесе кривична пријава против лице од Битола затоа што на 17.08.2024 запалил оган во просторот помеѓу дворот и градината до неговата куќа во с.Облаково, битолско, со намера да го изгори сметот, со што предизвикал пожар.
СВР Битола поднесе кривична пријава и против лице од Битола затоа што на 10.08.2024, додека заварувал со апарат за заварување и сечел со брусалка, не го обезбедил местото и од искра предизвикал пожар на сува трева на гробиштата во с.Кременица, битолско.
ОВР Крушево, до ОЈО Прилеп поднесе кривична пријава против лице од с.Пуста Река, крушевско, затоа што во дворот истурила пепелник од шпорет со жар, при што настанал пожар на сува трева, кој зафатил и плевна и борова шума над с.Пуста Река.
ОВР Македонски Брод до ОЈО Кичево поднесе кривична пријава против лице од Прилеп затоа што на 05.08.2024 бил затекнат на место каде настанал пожар и кај него биле пронајдени предмети со кои го предизвикал пожарот.
ОВР Прилеп до ОЈО Прилеп поднесе кривична пријава против лице од с.Штавица, прилепско, затоа што на 05.08.2024 запалил сува трева во својот имот, а огнот се проширил и зафатил сува трева во соседните парцели.
ОВР Ресен, до ОЈО Ресен поднесе кривична пријава против две лица од Ресен и едно лице од с.Алданци, крушевско. На 16.08.2024 првопријавениот ,поттикнат од второ и трето осомничениот, со шише бензин подметнал пожар кај помошната просторија кај место викано „Старски дом“, каде што живеат повеќе семејства. На тој начин тој го сторил делото „предизвикување на општа опасност“, казниво по член од Кривичниот законик, се вели во соопштението од битолската полиција.
