На 27.02.2025 во 12.35 часот во СВР Битола, претставничка на Здружение за добротворни цели пријавила дека била измамена од 27 годишна жена од Битола за сума од 7.000 евра. Според пријавеното, пријавената од неа барала пари, така што од организацијата во повеќе наврати и биле дадени парите, но таа не ги вратила и покрај ветувањето дека ќе го стори тоа. Се преземаат мерки за расчистување на настанот.
На 27.02.2025 во 19.00 часот на ул. „Козјак” во Битола, полициски службеници од СВР Битола лишиле од слобода три лица на возраст од 27, 19 и 31 година сите од Битола, затоа што кај нив била пронајдена марихуана. По документирање на настанот против нив ќе следува соодветен поднесок.
На 27.02.2025 во 13.00 часот во СВР Битола, В.Б.(37) од с.Острец, битолско, пријавил дека на Градското шеталиште во Битола бил каснат од куче скитник.
На 27.02.2025 во 17.40 часот во СВР Битола, Т.М.(60) од Битола пријавил дека во Градскиот пазар во Битола бил каснат од куче скитник.
Полициските службеници од Секторот за внатрешни работи Битола во текот на вчерашниот ден (27.02.2025) продолжија со засилените сообраќајни контроли на патиштата. Притоа, вкупно беа издадени 48 платни налози за сторени сообраќајни прекршоци по различни основи согласно Законот за безбедност на сообраќајот на патиштата и Законот за возила, а наплатени се 42 платни налози. Според статистичките показатели од вкупно 408 исконтролирани возила и возачи,прекршоците по основ на пречекорување на брзината на движење повторно предничат така што евидентирани се вкупно 33 прекршоци, притоа откриени возачи што управувале возило без возачка дозвола –11, како и 2 возачи кои што управувале нерегистрирани возила. Покрај ова изречени се и по 1 платни налози по основ на некористење сигурносен појас и по основ на говорење на мобилен телефон при возење, откриени се и 18 непрописно паркирани возила.
