Извршниот одбор на СДСМ синоќа даде согласност за 19 кандидати за градоначалници на претстојните локални избори.
Како што соопшти партискиот лидер Венко Филипче, за општина Центар кандидат е актуелниот градоначалник Горан Герасимовски, за Аеродром д-р Александар Трајановски, за Ѓорче Петров Костадин Ацевски – претседателот на ОО на СДСМ, за Крива Паланка актуелниот градоначалник Сашко Митовски.
Кандидат за Новаци е поранешниот градоначалник Љубе Кузманоски, додека пак во Могила во изборна трка влегува претседателот на ОО СДСМ – Могила, Зоран Ристевски.
Утврдени се кандидати и за Чучер Сандево, Берово, Лозово, Чешиново Облешево, Богданци, Дојран, Неготино, Крушево,…
– Кандидатите се избрани врз основа на најавените принципи, со прилично широк консензус во општинските организации, луѓе имаат кредибилитет и легитимитет да ја побараат довербата, некои првпат некои повторно, рече Филипче.
Тој најави дека во наредните недели ќе ги објават имињата на кандидатите и за останатите општини.
Има општини, како што рече, за кои разговараат да поддржат и други кандидати освен од СДСМ.
За кандидатите што ги објави Филипче согласност треба да даде и Централниот одбор на партијата.
Фото: Фејсбук
