Со Мицкоски како премиер, трошоците за живот растат, реалната плата се намалува a животниот стандард на граѓаните опаѓа, наведува СДСМ во соопштение до медиумите што МИА го пренесува интегрално.
Три месеци по ред се намалува реалната нето-плата! Два месеци по ред се намалува номиналната нето-плата!
Во мај 2025 просечната плата била 45 796 денари, а во јули 45 276 денари!
Тоа значи 520 денари пониска плата, во услови на повисоки цени на основните трошоци.
Намалувањето на реална плата значи дека стандардот на граѓаните опаѓа а расте сиромаштијата.
Синдикалната минимална кошничка за четиричлено семејство веќе надмина 65.000 денари месечно.
Граѓаните со својата плата купуваат сѐ помалку, бидејќи цените растат, а примањата опаѓаат.
Едно просечно домаќинство не може да ги покрие основните трошоци за храна, сметки, превоз и лекови.
Ваквиот пад на стандардот е директна последица на неспособната на владата на Мицкоски и ВМРО-ДПМНЕ и промашените економски политики.
Ова е влада која воопшто не се грижи за граѓаните и мисли само на својот луксуз.
Додека граѓаните едвај врзвуваат крај со крај владата на Мицкоски троши 180 илјади евра за бадеми и лешници, за папаја и манго, за луксузирање на функционерите врз грбот на народот.
СДСМ ќе продолжи да се бори за граѓаните, да предлага мерки и закони за раст на платите, за намалување на трошоците за живот и повисок животен стандард.
Одговор на новинарско прашање
Дозволете ми уште еднаш да потсетам јавноста дека ова не е предлог резолуција за препукување помеѓу политичките партии, туку е предлог резолуција за обединување.
Оставаме сите други политички партии да ја разгледаат предлог-резолуцијата, да се изјаснат за истата и секако после тоа и ние ќе коментираме. Јас кажав, ова е предлог резолуција којашто е презентирана пред јавноста и е презентирана пред сите останати политички партии и секако оставаме време, како што кажавме, да ја разгледаат.
И уште еднаш ќе напоменам и мислам дека овој апел ќе стигне до сите затоа што станува збор за предлог резолуција којашто е за обединување, а не е за разединување и најмалку за политички препукувања.
Ова е предлог резолуција којашто е направена со сериозен пристап, со експерти и многу прецизна.
Затоа сакаме да оставиме време да ја разгледаат сите политички партии и после тоа да се произнесат, секако откако внимателно ќе ја разгледаат резолуцијата.
Затоа токму тоа го кажав, дека кога ќе се произнесат тогаш ќе знаеме и ние, секако, да се произнесеме по однос на реакциите и прифаќањата од страна на сите политички партии.
СДСМ
