ФК Пелистер во последното коло денес игра пред својата публика и ќе се обиде да го победи денешниот противник екипата на ФК Башкими од која загуби два пати оваа сезона.
„Уште еден тежок натпревар за нас, како и секој претходен, со голем псхолошки товар. Башкими е тим составен од искусни фудбалери кои имаат настапувано во повеќе прволигашки тимови. Минатата година изборија место во ПМФЛ и успеаја да завршат над повеќе тимови со долга прволигашка традиција. Ние сe уште го немаме изборено опстанокот и мораме да продожиме дисциплинирано во претстојните мечеви, како со Башкими, така и во баражот што ни претстои“, вели тренерот Марјан Секуловски.
Натпреварот се игра со почеток во 16.30 минути на стадионот „Петар Милошевски“.
