Читателите на Fragrantica, онлајн енциклопедијата за парфеми, ги избраа најдобрите парфеми за 2022 година. Помеѓу целата серија понудени категории кои беа дел од изборот, во продолжение ги издвоивме парфемите кои победија во категориите најдобар женски, машки, унисекс и ниш парфем.
1. Најдобар женски парфем во 2022 година – Libre Le Parfum (Ив Сен Лоран)
Основата на овој сензуален и ароматичен парфем се состои од мандарина, ѓумбир и шафран. Содржи бергамот, цвет од портокал и лековита лаванда, бурбон ванила, ветивер и мед. Најпикантната интерпретација на култниот мирис брзо доби армија обожаватели.
Дамите кои веќе го пробале мирисот велат дека тој е еден од оние за кои добиваат комплименти во текот на целиот ден. Го опишуваат и како совршен мирис за постудениот дел од годината.
2. Најдобар машки парфем во 2022 година – Sauvage Elixir (Диор)
Во категоријата најдобар машки парфем победи истиот мирис како и минатата година.
Sauvage Elixir се појави на пазарот во 2021 година и оттогаш има армија фанови кои велат дека е пикантен ремикс на иконскиот мирис на Sauvage, а едно прскање е доволно за да ги натера луѓето на улица да се свртат кон вас дури и ден подоцна.
За овој парфем да стане вистински чудтворен мирис, во својата основа содржи кумарин, ванила и лековита лаванда, основата се состои од хаитски ветивер, сладунец, килибар и пачули, додека горните ноти се кардамон, морско оревче, грејпфрут и цимет.
3. Најдобриот унисекс парфем во 2022 година – Angels’ Share Anniversary Edition (Killian)
Горната нота на овој мирис е коњак, во средината се даб, цимет и зрно тонка, додека основата се состои од ванила, пралини и сандалово дрво.
Според зборовите на дамите кои го пробале, станува збор за мирис направен за празничниот декември. Го опишуваат со зборовите неверојатно и софистицирано и додаваат дека е еден од мирисите во кој лесно ќе се заљубите.
4. Најдобриот парфем во 2022 година – Gris Charnel Extrait (BDK Parfums)
Имаше промена во оваа категорија. Откако Italica (Xerjoff) беше прогласен за најдобар парфем во 2021 година, минатата година победи Gris Charnel Extrait (BDK Parfums).
Станува збор за нов парфем за мажи и жени кој се појави на пазарот во 2022 година. Горните ноти на мирисот се кардамон, црн чај и смоква, во средината се бурбон ветивер, додека основата се состои од сандалово дрво, ванила Мадагаскар, кедар и лист од индонезиски пачули.
Дамите кои го сакаат велат дека се работи за неверојатен парфем кој зрачи со квалитет, а е специјално создаден за постудениот дел од годината.
