КК Пелистер со сефте победа вечерва во ФИБА Европскиот Куп. Битолското европско деби во спортската сала “Боро Чурлевски” заврши со победа над Приевидза со 90:81.
Најпрецизни во составот на Пелистер беа: Остин Прајс со 25 и Никола Малешевиќ со 18 поени. Кај гостите од словачката, Приевидза најдобар стрелец беше Тусант со 24 поени.
Претходно “пелистерци“ претрпеа пораз во првиот меч во Загреб од Цедевита јуниор, па тренерот Даскаловски најави максимално ангажирање за овој меч.
Додека словачкиот противник Превидза во првото коло се покажа исклучително квалитетен со победа над Керавнос со убедливи 82:68.
Следниот натпревар во Европа за Пелистер е на Кипар на 29 октомври каде ќе му гостуваат на Керавнос.
