Возачот на Ред Бул, Макс Верстапен ќе продолжи да вози за Ред Бул и следната година.
Како што забележа познатиот британски новинар Џо Сејвард, опцијата за предвремено раскинување на Верстапен за оваа година истече.
-Мислам дека многу наскоро ќе слушнеме дека Верстапен официјално ќе остане со Ред Бул во 2026 година. Неговиот договор (кој важи до крајот на 2028 година) автоматски се продолжува за следната сезона ако Макс е меѓу првите тројца во генералниот пласман до крајот на јули. Затоа мислам дека треба да очекуваме официјално соопштение в петок, напиша Сејвард во својата колумна.
Холанѓанецот нема да го менува тимот следната сезона, иако претходно беше објавено дека за него е заинтересиран тимот на Мерцедес.
Фото: ЕПА
