Наглата промена на времето и врнежите од вчера доведоа до пад на температурите измерени во текот на ноќта и утринава. Пелагонискиот и преспанскиот регион имале „пролетна“ ноќна температура од 13 степени Целзиусови, најниска регистрирана минимална тепература била 9 во Лазарополе, а највисока во Гевгелија – 20, информира УХМР.
Во изминатите 24 часа во Пелагонија е регистиран 16 л/квадратен метар наврнат воден талог. Најмногу дожд во текот на ноќта наврнал во Крушево кадешто измерениот наврнат воден талог е 37 л/м2, а на Попова Шапка, Тетово и Маврови Анови наврнале по 1 л / м2.
И за денеска УХМР прогнозира „Претпладне сончево со мала до умерена облачност поголема во источните делови. Попладне ќе има локална појава на пороен дожд и грмежи, особено во планинските региони. Ќе дува умерен ветер од северен правец. Максималната температура ќе биде во интервал од 25 до 32 степена.“ Во Пелагонија, до 31 степен Целзиусови.
