Уапсен е поранешниот претседател на Фудбалската федерација на Македонија, Мухамед Сејдини.
“Во рамките на предмет оформен во ОЈО Скопје, полициски службеници од Одделот за сузбивање на организиран и сериозен криминал и Одделот за криминалистичка полиција од слобода е лишено едно лице поради сомненија за сторени кривични дела – проневера и злоупотреба”, велат од Обвинителството.
Според првичните информации, тој се сомничи за проневера на околу 700.000 евра, средства доделени од УЕФА на ФФМ за поддршка и изградба на трибина во Охрид.
По наредба на јавниот обвинител,се преземаат дејствија, повеќе детали за натамошниот тек на постапката ќе бидат споделени по завршувањето на дејствијата кои се во тек.
