Времето денеска во Македонија ќе биде променливо облачно со подолги сончеви периоди. Ќе дува слаб до умерен ветер, претежно од северен правец. Минималните температури ќе се движат од -3 до 5 степени, додека максималните ќе достигнат од 13 до 19 степени Целзиусови.
Во Скопје ќе преовладува слично време – променливо облачно со сончеви периоди и слаб до умерен северен ветер. Утринската температура ќе се спушти до 3 степени, а дневната ќе достигне до 19 степени.
Според најавата на УХМР, утре времето ќе биде стабилно, суво и потопло, со умерен до засилен ветер од јужен правец, кој на места повремено ќе биде и силен.
Од вечерните часови се очекува промена, кога под влијание на циклонска активност ќе настапи период на нестабилно и постудено време со локални врнежи од дожд. Пообилни врнежи се најавуваат за петок, кога ќе има услови и за ретки грмежи. Поради продор на постудена воздушна маса, на планините и на повисоките места дождот ќе преминува во снег.
