Денеска нè очекува стабилно и претежно сончево време, соопшти Управата за хидрометеоролошки работи (УХМР). Утринските часови беа ведри и студени, додека во текот на денот ќе биде сончево со мала до умерена облачност и слаб до умерен ветер од северен правец.
Минималните температури се движеа во интервал од -2 до 8, додека максималните дневни вредности ќе се движат меѓу 18 и 26 степени Целзиусови.
Во Скопје времето денеска е променливо облачно со сончеви периоди и слаб до умерен ветер од променлив правец. Температурата во главниот град се спушти до 8 степени, а максималната ќе достигне до 25 степени.
Според најавите од УХМР, стабилното време продолжува и во наредниот период. Преку денот ќе биде сончево и релативно топло, ноќите ќе бидат ведри и тивки, а утрата остануваат ведри и студени, со ниски температури кои наместа ќе се спуштат под нула степени.
