Родителите да не ги прескокнуваат и одложуваат вакцините кај бебињата. Секоја вакцина е направена според возраста на детето и штити од тешки заболувања.
Состојбата во Србија со големата кашлица каде четири доеничња ја загубија битката со големата кашлица или пертусис траба да биде аларм до сите родители да ги вакцинираат своите деца, објаснува доктор Катарина Ставриќ од медицинскиот факултет. Педијатрите објаснуваат дека бактеријата која ја предизвикува големата кашлица може да ја има секој од нас но не во тешка болест заради имунитетот што го имаме.
ДТПР вакцината се прима на две, четири и шест месечна возраст. Распоредот на вакцините е вака направен да биде заштитено детето во раната возраст со цел да ја избегне болеста. Во Македонија опфатот е стигнат и до 80% што не претставува добар процент за имунитет. Сликата на бебе со пертусис е многу полоша од возрасен човек.
Од комисијата за заразни болести потврдија дека наредната недела ќе имаат состанок за состојбата со пертусис. Од почетокот на годинава има пет случаи кај бебиња со голема кашлица кои биле потврдени и лекувани во клиниката Козле. Од комисијата најавија дека од вакциналните пунктови ќе се повикуваат родителите на децата кои не се вакцинирани.
