Во период кога навиките на потрошувачите брзо се менуваат, а плаќањето со картичка, мобилен телефон или паметен часовник станува секојдневие за клиентите, малите бизниси сѐ повеќе имаат потреба од едноставни, достапни и современи решенија за наплата. Иднината на плаќањата е поврзана со практичност, брзина и безбедност, а прифаќањето на овие промени е од клучно значење за бизнисите и за потрошувачите.
Токму затоа, НЛБ Банка преку програмата „Вредноста на безготовинското плаќање“ во соработка со Visa, Министерството за дигитална трансформација и другите партнери од индустријата, отвора можност битолските трговци полесно да го направат следниот чекор кон дигитализација.
Во рамки на проектот, 50 микро, мали и средни претпријатија од Битола и регионот добиваат можност бесплатно да воведат современо решение за безготовинско плаќање преку НЛБ Банка. За нив тоа значи побрза наплата, помала зависност од готовина, поедноставна организација на работењето и подобро искуство за клиентите, притоа ибез дополнителен финансиски товар во почетната фаза.
Избраните бизниси ќе добијат можност да користат NLB Smart POS, односно Soft POS решение, без месечен надомест за одржување и без провизија по трансакција во период од три месеци од денот на инсталацијата. Дополнително, секој учесник ќе добие и Visa Business картичка, ослободена од годишна членарина во првите 12 месеци.
Како функционира NLB Smart POS?
NLB Smart POS е првата сертифицирана tap-on-phone мобилна Android апликација со функција на ПОС терминал во земјава, една од најнапредните технологии во областа на плаќањата со картички, која на трговците им овозможува рационализиран и ефикасен пристап за управување со трансакциите и унапредување на корисничкото искуство. Користејќи NLB Smart POS трговците можат да прифаќаат плаќања со картичка без дополнителен хардвер. Апликацијата NLB Smart POS е инсталирана директно на мобилниот уред на трговецот и/или неговиот продажен персонал, а сите наплатени средства стигнуваат на сметката на трговецот. На тој начин телефонот може да прифаќа бесконтактни плаќања со платежни картички издадени од која било банка, преку мобилните апликации за плаќање Google pay, Garmin Pay и други.
Придобивки за трговците и подобрено искуство за клиентите
За сопствениците на бизниси, NLB Smart POS не е само решение за плаќање, туку целосно деловно решение на дланка. Бизнисите повеќе не се врзани за статична локација. Благодарение на можноста за бесконтактно плаќање со картичка или мобилен уред на кое било место или повеќе мобилни уреди на едно продажно место, сопствениците на бизниси ја намалуваат веројатноста за пропуштени продажби поради ограничени опции за плаќање. Спротивно на тоа, тие имаат можност да ја зголемат продажбата и профитот. Воедно, трговците имаат поголема ефикасност на трансакциите, анализа на податоците за продажба, како и оптимизација на работни процеси и унапредување на оперативната ефикасност. Дополнително, голема предност за трговците е што апликацијата е бесплатна за преземање на Play store, а воедно е и поедноставна за инсталирање и одржување за разлика од стандардниот POS терминал.
Во денешниот свет со брзо темпо, ефикасноста и брзината се од суштинско значење за задоволството на клиентите. NLB Smart POS e брз, безбеден, удобен и модерен начин за плаќање. Овие карактеристики го трансформираат процесот на плаќање од рутинска трансакција во привлечно искуство, зголемувајќи го задоволството на клиентите.
Пријавувањето за програмата е отворено до 31 август 2026 година, а заинтересираните компании можат да аплицираат во експозитурите на НЛБ Банка во Битола.
