Синоќа Прилеп беше центарот на забавата – со илјадници посетители, мирис на скара, ладно пиво и моќен музички ритам започна првата фестивалска вечер на Пиво Фест 2025.
Настапите на популарни изведувачи ја раздвижија публиката, а градот пулсираше со енергија до доцна во ноќта.
Овие три фестивалски денови носат повеќе од музика, пиво и скара – тие значат економски бенефит за градот, поддршка за локалните бизниси, нова енергија за угостителството и нова можност за Прилеп да блесне пред илјадници посетители.
“Искрена благодарност до организаторите, до сите учесници и изведувачи кои со својата енергија ќе нè забавуваат и ќе придонесат овој фестивал да биде незаборавен. Прилеп живее со овој фестивал, но и расте заедно со него. Нека биде ова уште една вечер за паметење! Ви посакувам многу забава, добра музика и убави моменти”- изјави градоначалникот Борче Јовчески.
Добредојдовте во градот на пивото, скарата и широкото срце – добредојдовте во Прилеп!
