Полициски радар вчера регистрира возило кое се движи со 221 километар на час. За брзо возење сообраќајната полиција на улиците и патиштата низ Македонија казни вкупно 549 возачи, oд кои 51 во Скопје.
„Од нив 26 возила се движеле со брзина над 50 километри на час повеќе од дозволеното, а осум возила се движеле со дури над 70 километри на час повеќе од дозволената брзина. Притоа 330 возила ја пречекорило брзината во населено место, а 219 надвор од населено место. Засилените сообраќајните контроли продолжуваат и во наредните денови“, велат од МВР и апелираат до сите учесници во сообраќајот да ги почитуваат сообраќајните правила и прописи.
На територија на град Скопје изречени се вкупно 141 мерка, меѓу кои за возење повеќе од дозволената брзина 51 санкција, 13 мерки за возење без возачка дозвола, 19 санкции за возење под дејство на алкохол.
