Нашите репрезентативци вечерва пред полна арена “Тодор Проески” според информациите од ФФМ ќе го пречекаат Казахстан.
Билетите главните тривинк Јужна и Северна трибина се распродадени, а останати се уште билети за западната трибина.
Источната трибина ФФМ ја додели на фудбалските школи низ земјава поточно децата и младинските категории на секој клуб, односно тие ќе имаат можност бесплатно да ја проследат македонската фудбалска селекција на патот кон Светското Првенство во фудбал 2026 година во САД, Мексико и Канада.
Националната арена „Тодор Проески“ ќе биде отворена од 18:45 часот.
Ги повикуваме навивачите да пристигнат најдоцна еден час пред почетокот на натпреварот и да ги заземат своите места навреме. Препорачуваме пристигнување пеш или со јавен превоз, бидејќи паркирањето околу арената ќе биде ограничено (освен за акредитирани возила).Лица од eticket.ffm.com.mk ќе ги проверуваат билетите, а вие порано подгответе се за проверка.
Забрането е внесување чадори, големи торби, шишиња, запалки, пиротехнички средства, знамиња и транспаренти со несоодветна содржина.
Влезот е бесплатен на источната трибина за младите фудбалери придружувани од своите тренери од Детска лига, фудбалските школи од регионалните лиги и сите млади категории во системот на натпреварување на ФФМ.
Исто така, влезот на источната трибина е бесплатен за сите ученици придружувани од својот родител од основните училишта.
Поддржете ја репрезентацијата фер, коректно и спортски, без навреди, расистички или дискриминаторски скандирања.
Стои во денешното соопштение на Фудбалската федерација на Македонија во пресрет на вечерашниот натпреварот Македонија – Казахстан.
